Дукха хан йоццуш, Краков гIалахь (Польша) дIаяьхьира 2000–2005-чуй шерашкарчу кегийрхошлахь греко-римски кепара охьатохархлатарехула Европехь хьалхеяккхаран турнир.
Цигахь дакъалоцуш бара йозаллин 13 категорехь Россин спортсменаш. Россин спортсменашна юкъахь вайн республикин РСШ-н векалш бара.
Къийсадаларш ялх дийнахь дIадаьхьира.
Турнирехь хьалхара меттиг яьккхира Хакуев ИбрахIима (41кг) – И.Дугучиевн цIарах йолу СШ.
ШолгIа меттиг яьккхира Магомадов Имама (38 кг) а, Берсанукаев Билала (41 кг) а – СШ №7.
КхоалгIа меттигаш – Эскерханов Iусмана а (44 кг) – Б.Эскерхановн цIарах йолу СШ, Заураев Iусмана а (68 кг) – №2 йолу СШ.
Оцу кхиамашка вайн спортсменаш кхачийнарш бу, уьш Iамийна, церан тренерш: И.Исраилов, У.Дугучиев, Х-Б.Эскерханов, М.Батаев, М.Таипов.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№62, хьаьттан (август) беттан 20 де, 2019 шо