Педагогикин дустарийн Федеральни институто 2020-чу шеран Пачхьалкхан юкъарчу экзаменан контрольни, дустарийн материалийн проекташ зорбане яьхна.
Кхин дIогара баккхий хийцамаш бац, делахь а, керланаш хир ду физикин а, чинин меттан а экзаменаш дIаяларехь. Иштта хаам бо Рособрнадзоран пресс-службо.
«Пачхьалкхан юкъара экзамен 2020-чу шарахь дIаяларехь КИМ-на тIехь баккхий хийцамаш бац, дIадаханчу 2019-чу шарахь Пачхьалкхан юкъара экзаменан жамIаш хьесапе а оьцуш, цхьадолчу тIедахкарийн а, царна лучу жоьпийн мах хадоран а кепаш хийцина», – иштта бу оцу хаамийн чулацам.
Чинин меттан а, физикин а экзаменашкахь бен хийцамаш хир бац. Масала, физикин экзаменехь (КИМ) №25 йолу тIедиллар хьалха 2 декъах лаьтташ хиллехь, хIинца, мелла а шуьйра жоп луш, 2 балл хIоттош хир ду.
Иштта, жоьпаш шуьйра луш долу тIедахкарш жимма сов хир ду физикин экзаменехь (хьалха 5 тIедиллар дара, хIинца уьш 6 хир ду).
Ткъа чинин маттехула дIалучу экзаменехь «аудировани» декъехь кIезиг тIедахкарш хир ду, цхьадолчу тIедахкарийн форматаш хуьйцур ю, керлачу диалоган 2 текст а юкъаялор ю, «Кехат» декъехь а керла тIедиллар хир ду.
З.ХИЗИРОВА
№66, товбецан (сентябрь) беттан 3 де, 2019 шо