ХIокху деношкахь Карачаевск гIалахь (Кхарачойн-Чергазийн республика) дIаяьхьира доьхкаршца латаран (борьба на поясах) кегийрхойн схьайиллина турнир.
Цигахь дакъалоцуш бара Россин регионашкара спортсменаш.
Вайн республикера цигахь дакъалецира РСШ-н 18 спортсмена.
Къийсадаларш кхаа дийнахь дIадаьхьира.
Цигахь хьалхара меттиг яьккхира Шовхалов Заура (90 кг.), шолгIа меттиг – Суркаев Аюба (90 кг.), кхоалгIа меттигаш – Темиров Хьумида (82 кг.), Магомадов Висхана (100 кг.).
Оцу кхиамашка спортсменаш кхачийнарг ву, церан тренер И.Мучураев.
Толамхой билгалбехира мидалшца, кубкашца, Сийлаллин грамоташца.
З.ШИШХАНОВА
№72, товбецан (сентябрь) беттан 24 де, 2019 шо