Ейск гIалахь (Краснодаран мохк) дIаяьхьира СССР-н хьакъволчу тренерна Поддубный Иванна лерина греко-римски кепара охьатохархлатарехула Ерригроссин турнир.
Цигахь дакъалоцуш бара Россин субъекташкара къона спортсменаш.
Вайн республикера оцу мехалчу турнирехь дакъалоцуш РСШОР-н спортсменаш бара.
Къийсадаларш кхаа дийнахь дIадаьхьира.
Финалехь, шайн-шайн йозаллин категорешкахь, билгалбевлира вайн махкахой: Исаев Хьамид (77 кг.), Мусураев Шемал (87 кг.), Бикаев Сулим (67 кг.).
Оцу кхиамашка вайн спортсменаш кхачийнарш бу, уьш Iамийна церан тренерш: Х.Эскерханов, М.Таипов, Б.Гулаев, А.Макаев.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№86, лахьанан (ноябрь) беттан 12 де, 2019 шо