Нохчийн Республикин могашаллаIалашъяран министерствон берийн стоматологин республикин поликлиникин коьрта лор, Нохчийн Республикин хьакъволу лор, республикин берийн коьрта стоматолог Ахметханов Сайд-Мохьмад хилира Санкт-Петербургехь лахьанан (ноябрь) беттан 19–21-чуй деношкахь дIаяьхьначу дуьненаюкъарчу «Законодательство и право: результативные решения главного врача» конгрессехь.
Иза дIаяхьаран Iалашонех лаьцна яздо «Корматаллин кхиаран Академи» сайта тIехь.
С-М.Ахметхановс дийцарехь, конгрессехь дийцира медицинин учрежденийн куьйгалхошна хьалха лаьттачу декхарех лаьцна.
Программа а йоккха яра конгрессан. 2019-гIа шо чекхдалале профстандарташ юкъаялоран гIуллакх а теллира цигахь.
Медицинин белхахойн къинхьегам эвсаре хилийтарна кечйина алгоритм а йовзийтира конгрессан дакъалацархошна.
ТIаьхьарчу хенахь законо магош долчу, мехах кхочушдечу медицинин хьаштийн гIуллакхаш дIанисдарх лаьцна а дийцира.
«Конгрессехь деллачу хаарша медицинин учрежденин куьйгалхо балха тIехь хила тарлучу гIалатех ларвийр ву», – билгалдаьккхира цо.
Эксперташна зеделлачух пайдаэцначул тIаьхьа, конгрессехь дакъалаьцначарна леррина дипломаш делира.
З.ЭЛЬДЕРХАНОВА
№91, лахьанан (ноябрь) беттан 29 де, 2019 шо
«Могашалла ларъяран «хила ца деза и? Вуьшта а массо маттахь шина дашах хуьлу ишттачу министран цӏе. Масала, могашаллин министр.