Карарчу хенахь «Госуслуги» порталан хьокъехь хазаза наггахь волу вахархо а хир вац. Иза, портала тIехь билгалдаьккхина махиллара, Пачхьалкхан хьаштийн официальни интернет-портал ю.
Цхьана агIор иза иштта ду, хIунда аьлча, паспорт даккхийтарна кехаташ чудаларна тIера дIаволавелла, чуьра доьзалхо берийн беша дIаязваран биста кхаччалц, хьашташ кхочушдало цу тIехь.
Цундела, къаьсттина хала а хета, новкъа а догIу цу тIехь гIалаташ хааделча… Къаьсттина питане гIалаташ. Эна-Хишка, Эха-Борзе, Буммат… Оцу кхаа юьртан цIе хазарца коьрте Эна-Хишкан кIошт йогIу… ЙогIу, и кхуьй а юрт оцу кIоштана юкъайогIуш а йолуш, нохчийн ярташ хиларна.
Амма «Госуслуги» порталан иштта ойла яц… Ойла-м иштта хила а мега цуьнан, делахь а, дуьненна а девзаш долу нохчийн комаьрша дог Пачхьалкхан хьаштийн официальни интернет-портала тIехь а комаьрша хила лаьа-кх цунна.
Оцу портала билгалдаккхарехь, Эна-Хишка а, ЭхаБорзе а еккъа нохчийн хилла ца Iаш, луларчу гIалгIайн а ю, хIунда аьлча, хьуо Iаш волу меттиг къастош, оцу шина а юьртан цIе дIаязйича, юьйцург муьлхачу республикера (Нохчийчуьра а, ГIалгIайчуьра а) Эна-Хишка а, Эха-Борзе а ю къасто декхарийлахь во хьо цо.
И.АДАМОВ
№8, кхолламан (январь) беттан 31 де, 2020 шо