Кхаарин сарахь дуьйна дIаболийна Соьлжа-ГIалин урамашна дезинфекци яран белхаш.
Урамашна дезинфекци яран хьалхарчу сарахь Нохчийн Республикин Куьйгалхо Кадыров Рамзан а хилира Соьлжа-ГIалин урамашкахь, дIахьочу белхашка бIаьрг а тухуш.
Нохчийчоь мел болчу ун-баланах а маьрша а, цIена а хирг хиларх ша тешна хилар хаийтира цо.
Билгалдаккха догIу, республикин коьртачу шахьаран урамашна дезинфекци ярехь дакъалоцуш 19 машен ю, ткъа царна оьшшучу хIуманна гIо-накъосталла деш Россин Къоман гвардин Нохчийн Республикехула йолчу Урхаллин белхахой а бу.
Оханан (апрель) беттан 5-чохь дуьйна иштта белхаш дийнна республикехула а дIабахьа лерина.
№26, оханан (апрель) беттан 3 де, 2020 шо