Iедало ларйойтур ю бахархойн дIасалеларан къепе. Иштта хаам бина Кадыров Рамзана.
Республикин Куьйгалхочо билгалдаккхарехь, бинчу талламо гучудаьккхина хаза доцу сурт – дуккха а бахархоша чохь Iеран раж ларъеш цахилар.
«ГIаланашкахь а, ярташкахь а бу чохь Iеран раж ларъеш боцу бахархой – шайна а, шайн доьзалхошна а арахула лелар магош бу уьш. Амма вай реза долуш хIума дац иза! Коронавирусан инфекци дIасаяржарна кхерам бу ишттачарах», – яздина Кадыров Рамзана Telegram чуьрчу шен каналехь.
Коронавирусан инфекци дIасаяржарна дуьхьало яран декъерчу Кадечу штабан декъашхошна бахархошка дIасалеларан къепе ларъяйтар тIедиллина республикин Куьйгалхочо.
№34, хIутосург (май) беттан 1 де, 2020 шо