Кхузаманахьлерчу туьшахь аьтто бу, СанПиН-ан лехамашца а догӀуш, «Берийн инфекцеш» декъехь оьшуш долу медицинин гӀо-накъосталла даран къепенца белхаш дӀабахьа.
Дархошна лерина маьнгеш кислородана тӀетесна ду. Иштта, азотаца а, вакуумца а кхачо а йолуш ю керлачу туьшахь.
Юьйцуш йолу туш йина ялар а, схьаеллар а карарчу шеран чаккхенехь бен хила дезаш дацара.
Делахь а, республикин Куьйгалхочо, дуьненахь а, махкахь а хӀоьттина хьал тидаме а оьцуш, схьаелларна сихояр тӀедиллинера белхалошна.
Цигахь, иза схьаелларехь, хиллачу Кадыров Рамзана билгалдаьккхира оцу балхана ша чӀогӀа реза хилар.
«Туш ярехь къахьегначу говзанчийн лаккхара тӀегӀа хилла», – яздина республикин Куьйгалхочо.
№35, хIутосург (май) беттан 5 де, 2020 шо