Республикерчу медицинин учрежденешна рогӀера машенаш эцна Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин цӀарахчу Юкъараллин фондо – «С» классан 10 реанимобиль. ВКонтакте чуьрчу шен агӀонехь цунах лаьцна хаийтина Кадыров Рамзана.
Керла машенаш, кхеташ ма-хиллара, медицинин транспортан кхузаманахьлерчу лехамашца йогӀуш ю: царна чохь дархо дӀасавигарал сов, хьашт хилахь, ИВЛ тӀетаса аьтто а бу.
Нохчийчоьнан медицинин секторна иштта деза совгӀат дарна доккха баркалла аьлла республикин Куьйгалхочо Кадыров Рамзана Кадыров Ахьмад-Хьаьжин цӀарахчу Юкъараллин фондан президентана Несин Айманина.
№41, хIутосург (май) беттан 29 де, 2020 шо