Европин футбольни ассоциацийн союзан (УЕФА) кхочушдаран комитетан векалша сацам бина УЕФА-н Iуналлица Соьлжа-ГIаларчу «Ахмат-Арена» стадионехь матчаш дIаяхьа бакъо яларна.
И сацам даггара къобалбина Нохчийн Республикин Куьйгалхочо Кадыров Рамзана.
«Воккхаве иштта хьекъале а, нийса а сацам бина хиларх. Кавказехь, цу юкъахь Нохчийчохь а, российски футбол кхиорна керла шовкъ лур ю цо. Со тешна ву оцу сацаме сатесна СКФО-ра миллионаш футболъезархой хилла хиларх. Уьш а ма бу Европера тоьлла топ-клубаш шаьш долчохь ловзуш хьовса лууш», – яздина республикин Куьйгалхочо соцсетехь йолчу шен агIонехь.
Дуьненаюкъарчу футболан матчаш Къилбаседа Кавказан берриге а махкахь дIадахьар дихкина дара 2013-чу шарахь дуьйна.
Хь.САИДОВ
№48, асаран (июнь) беттан 23 де, 2020 шо