Коронавирусан пандемица къийсам латторна доккха гӀонакъосталла дина Нохчийчоьно Юккъерчу Азерчу махкана – ГӀиргӀизойчоьнна.
Оцу махка дахьийтина гӀо-орца 50 млн ₽-н барамехь ду, СИЗ-н гӀирсех лаьтташ а ду: комбинезонаш, туьтмӀаьжигаш, куьзганаш, каранаш, молханаш, и.дӀ.кх.а.
А-Хь.Кадыровн цӀарахчу Юкъараллин фондан куьйгалло Нохчийчуьра эпидемиологин хьал толуш хиларца а, СИЗ-н гӀирсаш алссам хиларца а доьзна бинера ГӀиргӀизойчоьнна гӀонакъосталла даран хьокъехь болу сацам.
Изза билгалдаьккхина Россин Федерацехь волчу ГӀиргӀизойчоьнан векале Джекшенкулов Аликбеке дахьийтинчу кехатехь а.
№60, хьаьттан (август) беттан 5 де, 2020 шо