Нохчийн Республикин туризман министерствос а, регионан а, говзанчийн Ассоциацис а Нохчийн Республикин чоьхьара туризм кхиоран Iалашонца а, халкъан къоман-культурин тIаьхьало Iалашъяран а нийятца Соьлжа-ГIалин юккъехь, гIалин бахархошна а, хьешашна а дукхаезаеллачу М.Эсамбаевн цIарахчу бульварехь пхьерийн а, говзанчийн а экспонатийн а, белхийн а гайтам хилира.
Хууш ма-хиллара, тIеман хенахь вайн республикера говза пхьераш кхечу мехкашка а, гIаланашка а дIабахара.
Дукхахйолу пхьалгIаш йохийна дIа а яьхнера. ХIинца вайн республикехь пхьерийн а, говзанчийн а шайн Ассоциаци ю.
Цара сих-сиха гайтамаш дIахьо, ткъа иштта, спортан а, гастролийн а, туризман а дакъошкахула дIахьочу мероприятехь дакъа а лоцу.
ХIора халкъан дозалла ду къоман экспонаташ ян хууш пхьераш хилар.
Республикин туристашна а дукхаезало нохчийн пхьераша кечъеш йолу говзарш.
Вайнах даима а хилла дечигах, аьчках, кхерах пхьола дан хууш.
З.ХИЗИРОВА
№66, хьаьттан (август) беттан 26 де, 2020 шо