Ерригроссин «Шеран Хьехархо – 2020» конкурсан вовшахтохараллин комитетан а, Россин Федерацин серлонан министерствон а, «Учительская газета» редакцин а, Ерригроссин Профсоюзан а хиллачу сацамца конкурсан очни кепара хуьлуш йолу финал 2021-чу шеран хьалхарчу чийликехь дIаяхьа лерина.
ХIоьттина долу санитарин-эпидемиологин хьал бахьанехь хилла и хийцам. Ткъа конкурсан регионан мур 2020-чу шеран гурахь дIахьур бу. Иза а очни я дистанционно кепара хила тарло, Россин Федерацин хIора регионехь долчу санитарин-эпидемиологин хьоле хьаьжжина.
Оцу хийцамашна ша реза хилар хаийтина Россин Федерацин Правительствон председателан заместитела Голикова Татьянас.
Россин субъектийн куьйгаллашна тIедиллина и гIуллакх кхочушдар тидамехь латтор а, регионан муьран жамIаш гIуран беттан 25-гIа де тIекхачале довзийтар а.
Изза сацам хилла «Россин шеран кхиорхо» конкурсан хьокъехь а.
Дагадоуьйту, «Россин шеран Хьехархо – 2019» конкурсан толамхо Волгоградан областера Арачашвили Лариса хилла хилар.
Конкурсан ламастаца нийса а догIуш, цул тIаьхьа йолчу конкурсан финал толамхочун махкахь дIахьо.
З.ХИЗИРОВА
№68, товбецан (сентябрь) беттан 2 де, 2020 шо