Иштта цIе йолу конкурс дIакхайкхийна Нохчийн Республикин хаамийн а, зорбанан а министерствос.
Регионан шуьйрачу хаамийн гIирсашкахь болх беш болчу журналистийн аьтто бу оцу конкурсехь дакъалаца.
Конкурс дIайолаелла товбецан (сентябрь) беттан 28-чу дийнахь.
Нохчийчоьнан хаамийн а, зорбанан а министерствехь хаам бина ма-хиллара, заявкаш а, ткъа иштта терроризмана а, экстремизмана а дуьхьал гIуллакхаш дарехь долу республикин бахархойн жоьпалла а, само а лакхаяккхарна тIехьовсийна йолу зорбанан публикацеш а, телерадиопередачаш а схьаэцар дIахьур ду эсаран (октябрь) беттан 12-гIа де тIекхаччалц.
Конкурсе йолу материалаш а, заявкаш а электронни кху адресца дIаяхьийта: trvsmk@yandex.ru, хIокху билгалонца «Конкурс».
Хь.Саидов
№76, товбецан (сентябрь) беттан 30 де, 2020 шо