Нохчийн Республикехь товбецан (сентябрь) баттахь дӀайолош а, кхочушйийр йолуш а ю «Со – хьехархо» аьлла йолу проект. И гӀуллакх «Кавказан машарбаран форум» юкъараллин организацин дӀадолорца дахьош ду.
Республикин Берийн искусствийн школийн а, Берийн музыкин школийн а, Берийн исбаьхьаллин школийн а хьехархошна юкъахь похӀма дерш гучубахаран а, царна зеделлачух пайдаэцаран а, церан кхоллараллин агӀонаш кхиоран а, исбаьхьаллин-кхоллараллин тӀегӀа лакхадаккхаран а Ӏалашонца дӀахьош ю проект. Иза кхочушйийр ю В.Татаевн цӀарахчу Нохчийн пачхьалкхан культурин а, искусствон а колледжаца цхьаьна, Нохчийн Республикин культурин министерствон гӀоьнца.
Хьехархойн конкурс искусствон хӀокху дакъошкахула дӀахьур ю: инструментийн искусство; изобразительни искусство; хереографин искусство; театран искусство; декоративниприкладни кхолларалла; вокальни искусство; музыкинтеоретикин дисциплинаш; хорехь йишлакхар.
Конкурсан толамхошна а, дакъалацархошна а совгӀаташ дийр ду.
«Со – хьехархо» аьлла йолу хьехархойн республикин проек
№76, товбецан (сентябрь) беттан 30 де, 2020 шо