Нохчийн Республикин вахархо Чимаев Хьамзат турниран коьртачу кардехь дакъалоцуш хир ву аьлла хаам бина UFC-н куьйгалхочо Уайт Данас.
Хьамзатана дуьхьал леташ хир волчу къийсамхочун цIе хIинца а билгалл хууш яц, амма организацин рейтинга юкъара латархо хир волуш ву иза. Дагадоуьйту, Хь.Чимаевс 66 денна юкъахь кхоъ толам а боккхуш, UFC-хула рекорд хIоттийна хилар. Миршерт Джеральдца шен тIаьххьара хиллачу латарехь вайн махкахочо шех леташ хилларг нокауте а вохуьйтуш, 17 секундехь дIадерзийра латар. И бахьана долуш, цуьнан рогIера латар UFC рейтингехь 6-чу меттехь волчу Майя Дэмианца дIадахьа мегаш ду.
Хьамзат, шен хиллачу 9 латарехь, 9 толам баьккхина ву. UFC-н куьйгалхочо билгалдаьккхира ша Чимаевна къаьсттина тидам тIебохуьйтуш хилар.
МАГОМАЕВ Хан-Мохьмад