Нохчийн Республикин Правительствехь хиллачу кхеташонехь дийцаре дира промышленно-производственни кепарчу «Соьлжа-ГIала» къаьсттина йолу экономикин зона кхиоран хьокъехь долу гIуллакхаш.
Кхеташонехь вовшахкхеттачара дийцира Россин экономикин кхиоран министерствоца кхитIе а барташ бан безаш хиларх лаьцна.
Царна тIе а тийжаш чIагIйийр ю материально-техникин кхачояран план, ткъа иштта билгалйохур ю къаьсттинчу экономикин зонин транспортан, социальни, инженерни объекташ, кхийолу инфраструктура.
Хучиев Муслима билгалдаьккхира республикина билгалъяьхна харжаш, субсидеш даларан хьокъехь бинчу бартаца нийса а догIуш йоуьйтуш йолу, «Соьлжа-ГIала ОЭЗ ППТ – «Чеченнефтехимпром» АО дIакхачийтаран механизм кечъян езаш хиларна.
«Къаьсттинчу экономикин зонехь билгалдеш ду кхачанан а, фармацевтикин а промышленность кхиор», – бохура Нохчийчоьнан Правительствон Председатела.
Кхеташонан дакъалацархошна цо тIедиллира Россин экономикин кхиоран министерствоца кхитIе а барташ барна оьшу тептарш кечдарна тIехь сихо яр.
Хь.САИДОВ