Иракан герзашца кечбинчу ницкъаша Тикрит а, Рамади а гIаланашкара «Исламан пачхьалкхан» гIеранаш дIалахкаран Iалашонца тIемаш бу хIокху деношкахь дIахьош.
***
Шеман Iедалан гIолоцуш болчарна дуьхьал йина санкцеш кхин а цхьана шарна яхйина Евросоюзана юкъайогIучу пачхьалкхаша.
***
ТIаьхьарчу хенахь лахделла догIу США-хь мехкадаьтта даккхар. Цуьнга хьаьжжина лахлуш ю цуьнан тIаьхьалонаш а. ТIаьхьарчу цхьана кIирнах мехкадаьттан тIаьхьалонаш цигахь 2,802 миллион баррельна лахъелла.
***
Йеменехь дIабоьдуш болчу граждански тIамах кIелхьаравоккхуш Россин а, СНГ-н а 130 сов гражданин оцу махкара Москва схьавалийна Россин кемано.
***
Украинин Президента П.Порошенкос дIахьедина мехкан малхбалехь долчу эскарийн барам ша 50 эзар сов бIаьхочуьнга дIакхачийна хилар. Даррехь гуш ду иза тIамна кечлуш хилар.
***
Россин Президента В.Путина шайн корматаллин дезчу денца декъалбира махкара дозанхой. Оцу денна лерина дIадаьхьначу даздаршкахь дакъалецира мехкан Президентан Администрацин куьйгалхочо С.Ивановс.
***
Россин Президент В.Путин цхьаьнакхийтира юьртан бахаман министраца А.Ткачевца. Цара дийцаре дира регионашкарчу АПК-шна финансировани ярехь нислучу чолхенийн хьокъехь долу гIуллакхаш.
***
Вайн мехкан Премьер-министра Д.Медведевс дакъалецира Казахстанехь дIадаьхьначу СНГ-н а, ЕАЭС-н а правительствон куьйгалхойн кхеташонехь.
***
Россин а, Индин а оборонийн министраша дийцаре дира герзаш дохкаран а, тIамна дуьхьало ярехь цхьаьна болх баран а хьокъехь долу гIуллакхаш.
***
Мехкан регионашкарчу къинхьегаман рынкехь долу хьал тодарна 635 миллион сом ахча хьажо сацам бина Россин правительствос.
***
Украинера «Нафтогаз» Россерчу «Газпромана» 29 миллиард долларна декхар яхана. И декхар такха ницкъ болуш яц иза…
***
Россельхознадзоро бакъо елла Иранерчу ялх предприятийн кхачанан сурсаташ а, промышленни товараш а вайн махкахь дохка.
***
Шеран юьххьехь хилла инфляцин барам Россехь лахлуш боьдуш бу. Говзанчашна хетарехь, шеран хьесапехь иза 11 проценте кхочур ю.
шот, 30 май, 2015 шо, № 59