Республикин Iаламе кхин а 100 сай дIахецна хIокху деношкахь.
Нохчийчоьнан таллархойн бахаман урхаллин куьйгалхочо Эдильгиреев Хьамзата дийцарехь, и башха дийнаташ Курчалойн кIоштарчу хьаннашка дIахецна.
Кхул хьалха лаьмнашкахь йолчу Бенахь Iаламе дIахийцира архараш (муфлонаш). Цигарчу хьаннашна юкъахецнарг 100 архар яра.
Иштта, Нажи-Юьртарчу хьаннашкара хьехаш (тур) 200 алсамъевлла. Уьш хIинцале Iаламах дIайоьлла.
Герггарчу хенахь кхуза якаш яло дагахь бу таллархойн бахаман куьйгалхой.
Цул сов, вайн республикерчу хьаннашка дIахоьцур бу 2 000 сов сай.
Оцу дерриге а дийнатийн леррина терго йийр ю, уьш дика Iалаш а дийр ду таллархойн бахаман белхахоша а, говзанчаша а.
Хь.САИДОВ
№90, лахьанан (ноябрь) беттан 18-гIа де