COVID-19-х ларвалархьама мӀаьжиг лелор коьртачех делахь а, еккъа иза лелорах пайда бац, нагахь санна Роспотребнадзоран кхиболу лехамаш а, тӀедахкарш а лардеш дацахь: мӀаьжиг лелор а, адамаш дукха гуллучу меттигех ларвалар а; мӀаьжиг лелор а, ницкъ кхачаре хьаьжжина, кхидолчу адамашца (нагахь уьш цомгаш хиларан билгалонаш елахь) юккъера меттиг 1 я 1,5 м латтор а;мӀаьжиг лелор а, сих-сиха куьйгаш дилар а.
Цул сов, билгалдаккха догӀу мӀаьжиг, арахь лелийна ца Ӏаш, транспорта чохь а лело езаш хилар, нагахь цу чохь 2 я кхин а сов адам делахь.
И.ИСЛАМОВ
№92, лахьанан (ноябрь) беттан 25-гIа де