Нохчийчохь школаш цатоаран хьал хIинца а хаалуш ду. Теркан кӀоштарчу Маканехь Iаш 3,5 эзар сов стаг ву.
Юьртахь йолу школа кхачаме яц, бахархой алсамбовларца а, юрт шоръяларца а, иштта школин гӀишло тиша хиларца а доьзна.
Оцу бахьанашца, къоман «Дешар» проектан гурашкахь, карарчу шарахь юьртахь керла юкъарадешаран школа ян сацам хилла.
Хууш ма-хиллара, «Дешар» проектан коьрта Iалашо ю школашкара кхаа сменехь долу дешар дIадаккхар а, стандарташца догIуш дешаран хьелаш тодар а.
Кхо гIат а долчу, 300 дешархочунна лерина а йолчу, керлачу школехь библиотека а, актови зал а, медицинин пункт а, кхачабаран чоь а, йоккха спортзал а хир ю. Классаш, предметашка хьаьжжина, дешаран берриге а гIирсашца кхачойина хир ю. ГIишло 3726,28 квадратан метр хир ю.
Хууш ма-хиллара, заманца кхуьуш ю дешар хьехаран методика. Цундела керлачу школехь кхузаманан лехамашна жоп а луш, керлачу программашца а, технологешца а болх бан аьтто хир бу хьехархойн.
Карарчу 2021-гIа шарахь, керла дешаран шо доладалале, йина яьлла хила езаш ю школа.
МУСЛИМОВ Абу
№2, кхолламан (январь) беттан 14-гIа де