Нохчийн Республикин къинхьегаман а, балха нисбаран а, социальни кхиоран а министерствос 2020-чу шарахь хIусамашца а, хIусамаш эца субсидеш даларца а кхачо йина 700 гергга стагана. Оцу хьокъехь хаам бина министерствон куьйгалхочо Баширов Iусмана.
Цо дийцарехь, хIусамаш эца сертификаташ делла 244 заьIапхочунна. Царна юкъахь 59 заьIап бер а ду.
ХIусамашца кхачо йиначарна юкъахь ву тIеман гIуллакхийн 318 ветеран.
«Нохчийн Республикин Куьйгалхочун Кадыров Рамзанан тIедахкарш кхочуш а деш, оцу тайпанчу нахана иштта сертификаташ далар тIаьхьарчу кхаа шарахь шозза алсамдаьлла. Цул сов, хIусамийн хьелаш тодайта сертификаташ делла Сийлахь-боккхачу Даймехкан тIеман ветеранех йисинчу шина зудчунна», – элира I.Башировс.
Иштта, 2020-чу шарахь керлачу хIусамашца кхачо йина 117 буоберана. 2019-чу шарахь елла хиллачул 17 хIусам алсам елла дIадаханчу шарахь.
Цул сов, 2020-чу шарахь къинхьегаман а, балха нисбаран а, социальни кхиоран а министерствос шайн цIенош тодан ахчанан харжаш елла шайн белхан декхарш кхочушдеш кхелхинчу эскаргIуллакххойн 51 доьзална.
Хь.САИДОВ
№3, кхолламан (январь) беттан 16-гIа де