Хьалха-Мартан кIоштан Берийн кхоллараллин цIийнан дешархочо Гелагаева Асията толам баьккхина Ерригроссин «Вокалан а, музыкин а кхолларалла» онлайн-конкурсехь. Иштта хаам бо Хьалха-Мартан кIоштан дешаран урхаллин пресс-службо.
Конкурсехь дакъалоцуш, Асията дIалекхна Л.Дербеневн дешнашна тIехь Е.Крылатовс мукъам баьккхина «Снежинка» йиш.
Жюрин декъашхоша цуьнан лаккхара мах хадийра, йоьIан эшарш лакхаран похIма хилар билгал а доккхуш.
Россин Серлонан министерствос а, Россин Iилманан а, лаккхарчу дешаран а министрествос а «Россин Федерацин хIокхузаманан терахьийн дешаран юкъаралло» а цхьаьна дIахьочу проектаца нийса а догIуш, Москван дешаран а, Iилманан а департаменто Корматалла лакхаяккхаран а, хьехархой юхакечбаран а институтаца цхьаьна дIаяхьна конкурс.
Оцу конкурсан коьрта Iалашо ю кхитIе а дешаран хьехархойн а, дешархойн а кхолларалле йолу дог-ойла ир-карахIоттор.
Цул сов, дешархошна шайн корматалла а, похIма а кхиорехь гIо-накъосталла дар а.
ВЕГИЕВА Макка
№4, кхолламан (январь) беттан 20-гIа де