Могилевн областерчу (Беларусь) Виляховка юьртара схьавалар долуш ву тахана 94 долу ветеран Артёменко Игнат.
«Халкъан иэс» портала тӀехь 1926-чохь, ткъа партизанашна юкъавоьдуш кечдинчу кехаташ тӀехь 1928-чохь дуьнен чу ваьлла ву иза.
И гӀуллакх дикка теллича бен билгалдаьлла дац Игната 2 шо тӀеяздина хилар — 15 шо а долуш нисвелла хилла иза партизанашна юкъа.
Ветеранан гергарчара дийцарехь, фашисташна дуьхьало латточу партизанашна гӀо дан 1942-чохь дуьйна волавеллла а хилла иза.
Делахь а, военкоматехь бух а болуш, кехаташца иза эскаре 1944-чохь бен кхайкхина вац.
Шен Даймахкахь а, луларчу Литвахь а бина цо мостагӀашна дуьхьал тӀемаш, 1945-чохь чов а еш.
Госпиталера араваьллача иза санитарин-эпидемиологин декъе хьажийна.
Эскаран гӀуллакх Игната 1982-чохь бен ца дитина, инженер-полковник даржехь а волуш.
Иза ву иза А.Навальныйс, «цуьнан шерашца ца нисло иза тӀаме вахана хилар», «тӀом бина а вац», «цуьнан цӀарах Ӏедало шена цӀе йина», и.дӀ.кх.а а бохуш, вийцина хилла ветеран.
Гуш ма-хиллара, тоьшаллаша гойту оцу ветеранна тӀехь мел кхоьллина хилларг харц а, бух боцуш а хилла хилар.