Карарчу хенахь дӀахьош ю Ерригроссин хьехархойн говзаллин «Шеран хьехархо – 2021» конкурсан хьалхарчу, очни муьран гӀалин тур.
Конкурсан хьалхара «Дарс» зер мехала тӀедиллар ду «Шеран хьехархо» конкурсан дакъалацархошна.
ХӀора а хьехархочо дарс дӀадахьаран некъах, цуьнан говзаллех доьзна хадош хуьлу цуьнан мах.
Дешархойн тидам тӀеберзо хаар а, дарс дӀадахьар паргӀат хилар а, дешархочун дог-ойла гӀаттош, цуьнан хаарш тӀедузуш, чулацаме хилар ду жюрис хьесапе оьцург.
Верриге а 12 лауреат ву «Дарс» зерашкахь билгалвала везаш верг.
Конкурсан шолгӀа тур «Мастер-класс», «Классан сахьт», «Дешаран проект» зерашкахула дӀахьур ю. Цул тӀаьхьа къастор ву конкурсехь тоьлларг.
З.ХИЗИРОВА
№20, бекарг (март) беттан 17-гIа де