2021-чу шеран оханан (апрель) беттан 24-чу дийнахь юкъараллин меттигийн санитарин хьал тодаран Ӏалашонца а догӀуш, Къоман «ХӀусамаш а, гӀаланашкара хьелаш а» проектан гурашкахь белхи дӀахьур бу.
ТӀедогӀучу шарахь йийр йолчу проектийн дизайн-проекташ харжаран онлайн-кхажтасар дӀадоладалале дӀабахьа лерина Ерригроссин белхи.
Юкъараллин меттигаш, паркаш, сквераш, xӀусамаш, хийистош цӀанъярехь шайн дакъа юкъадилла аьтто хир бу бахархойн.
Республикехь кест-кеста дӀахьо меттигаш цӀанъяран декъера белхаш. Ерригроссин белхи а бӀаьрла хилам хир бу вайн гӀалийн урамашкахь цӀано латторехь.
Иштта, оцу белхих беркат а даьлла, бахархошна хуур ду Федеральни платформехь, оханан (апрель) беттан 26-чу дийнера хӀутосург (май) беттан 30-чу дийне кхаччалц бен болчу хийцамех дерг.
ХӀора а шарахь, «ХӀусамаш а, гӀаланашкара хьелаш а» проектан «ГӀалин бегӀийла хьелаш кхоллар» подпроект бахьанехь, республикин кӀошташкахь садаӀаран керла объекташ схьайоьллуш ю.
ХӀокху шарахь а, za.gorodsreda.ru платформерчу кхажтасарехь дакъа а лоцуш, шаьш къобалъечу проектах дерг ала аьтто бу республикин бахархойн.