«Къона доьзалш» программа кхочушъяран гурашкахь Нохчийн Республикерчу къоначу 255 доьзална шайна хIусамаш эца ахчанца гIо дина. Оцу хьокъехь хаам бина Нохчийн Республикин гIишлошъяран а, хIусамийн-коммунальни бахаман а министерствехь.
«ХIокху шарахь республикерчу къоначу 255 доьзална гIо дина шайна хIусамаш ян я уьш эца. Къоначу доьзалийн гIолацаран гIуллакхаш министерствос кхочушдо «Къоначу доьзалшна хIусамашца кхачояр» подпрограммин гурашкахь», – дийцира министерствехь.
ТIедогIучу шарахь оцу программехь дакъалацаран квота 2021-чу шеран чаккхенехь йовзуьйтур ю.
Программехь дакъалаца йиш ю 35 шарал лакхара хенаш йоцчу хIусамдайн, иштта, нагахь санна ,хIусамашка хьашто йолуш уьш лерина белахь.
Министерствехь, иштта, хаийтира, пачхьалкхо гIо керлачу хIусам чу баха луучарна массарна а деш цахилар.
Къаьсттина халачу хьелашкахь бехачу доьзалшна луш ду сертификат. Царна юкъабогIу хIусам аренде оьцуш берш, законо хIоттийначу барамал лахара хIусаман квадратура ерш, кхерамазаллин а, аьттонан а хьелаш хьокъалла доллучу кепара доцурш.
№40, хӀутосург (май) беттан 29-гIа де