Россин Къоман гвардин эскарийн Къилбаседа Кавказан округан Жуковн орденан кадечу хьаштийн къаьсттина йолчу бригадин моторизованни «Къилба» батальонах хазаза наггахь а хир вац.
Хууш ма-хиллара, дукха хан йоццуш, шен 15 шо кхачар билгалдаьккхина цо.
Веданан кӀоштахь ю батальонан туп, ткъа кхин а билггал аьлча – Ведана юьртахь.
Лакхахь хьахийначу кӀоштахь хӀетахь, Россехь а, уггар кхераме, чолхе хьал хиларца доьзна дара «Къилба» цигахь дӀатаръяр а. Ткъа тахана, махкахошна хууш а, хьешашна гуш а ду цигара хьал бӀостанехьа хийцаделлий – Нохчийчоьнан Ӏаламат хазачу меттигехь йолу Веданан кӀошт Россехь а уггаре кхерамза хьал долуш ю.
ХӀинца вай юьйцучу «Къилба» батальонах Дала хӀоттийна бахьана ду иза — шен оьмарехь эзар сов леррина операци дӀаяьхьна цуьнан бӀаьхоша, бӀеннашкахь зуламхой, террористаш хӀаллак а беш. Лецнарш кхин а дукха бу.
Дагадоуьйту батальон 2006-чу шарахь вовшахтоьхна хилар – хӀетахь, дӀаяьккхинчу Антитерроризман центран бӀаьхойх а, Россин чоьхьарчу эскарийн 46-чу дивизин милцойх а вовшахтуьйхира «Къилбаседа» а, «Къилба» а батальонаш – 248-гӀа а, 249- гӀа а леррина батальонаш.
Делахь а, цул тӀаьхьа дIаяьлларг кӀезиг хан цахиларе хьаьжжина, батальонан дахарехь а, баккхий хийцамаш хилла – масех шо ду иза Россин Къоман гвардин эскарийн Къилбаседа-Кавказан округан Ӏуналлехь йолу.
№43, асаран (июнь) беттан 9-гIа де