Нохчийчоьнан «хӀаваан кевнашка» лелаш долу кеманаш цӀиндаран болх дӀаболийна.
Соьлжа-ГӀалин дуьненаюкъарчу аэропортан а, «UTair» авиакомпанин а куьйгалхойн барт хиларца доьзна, оцу декъехь болх дӀаболийнарг и авиакомпани ю.
«Москва – Соьлжа-ГӀала» авиамаршрутехула лелаш долчу кеманех 1 кема «Boeing 737-800»-ца хӀинцале а хийцина цо.
Кхузаманахьлера и авиалайнер 186 пассажирана лерина ду.
Карарчу беттан чаккхенехь «UTair»-н кхин а 2 кема хийца дагахь хилар хоуьйту Соьлжа-ГӀалин аэропортан пресс-службо.
№44, асаран (июнь) беттан 12-гIа де