Нохчийн Республикин Парламентан 121-чу кхеташонехь къобалдина Устрада-ГӀалин округан Депутатийн кхеташонан дӀадолор – БердкӀела юьртан оьрсийн маттахь йолу цӀе хийцарца доьзна дара иза.
Билггал аьлча, оьрсийн маттахь хӀинццалц «Комсомольское» цӀе лелош хиллачу юьртан цIе, «Бердыкель» аьлла, хийцаран Ӏалашонца дӀаболийна болх.
Парламенто и дӀадолор къобалдар а, юьртан цӀе хийцаран бух а, оцу балхана оьшу харжаш а йовзийтаран кехаташ Пачхьалкхан регистрацин а, кадастран а, картографин а федеральни службе дIалур ду.
Нохчийн Республикин Ӏилманийн академис чӀагӀйина юьртана нохчийн а, оьрсийн а меттанашкахь йолу цӀераш: БердкӀел – нохчийн маттахь; Бердыкель – оьрсийн маттахь.
№44, асаран (июнь) беттан 12-гIа де