Нохчийн пачхьалкхан университето дӀахьош ю документальни кинон «Вайн заманан турпалхо» конкурс.
Конкурс дӀаяхьаран коьрта Ӏалашо ю бахархойн хьежамашкахула а, тайп-тайпанчу социальни тобанашкахь болчу адамийн кхолламийн исторешкахула а кхузаманан нохчийн юкъаралла гайтар.
Оьрсийн а, Россерчу халкъийн а меттанашкахь яьхна фильмаш (оьрсийн маттахь йолчу субтитрашца) ю конкурсе схьаоьцуш.
Жюрин кхиэле йохкуш йолу материалаш вайн заманан турпалхойх лаьцна дуьйцуш хила еза (уьш могӀарера нах хила беза, республика кхиорна юкъа шайн дакъа диллина а болуш).
Фильмаш социальни жоьпалла гойтуш, дахаре хьежам болуш, хьовсархойн синайъамаш гӀовттош хила еза, хӀоранна а ша веха меттиг кхин а хазъян дог доуьйтур долуш.
Конкурсехь хьалхара кхо меттиг яьккхинчарна билгалдина совгIаташ иштта ду: 1-ра меттиг — 60 эзар ₽, 2-гӀа меттиг — 40 эзар ₽, 3-гӀа меттиг — 30 эзар ₽.
Цигахь дакъалаца лаам болчарна копийн формат: Full HD (mp4), ткъа фильман хан — 5-10 минот.
Белхаш карарчу беттан 20-чу дийне кхаччалц хӀокху адресца схьоьцу — studonetv@mail.ru.
Дерриге а хаттарш @studone.tv-н директ чу язде.
№45, асаран (июнь) беттан 16-гIа де