Партин жигархой а, ОНФ-н а, МГЕР-н а, «Мы — вместе» а, «Волонтеры Победы» а, «Волонтеры-медики» а боламийн векалш юкъа а боьлхуш, политикин «Единая Россия» партин волонтерийн цхьааллин штаб кхоьллина.
ГӀо-накъосталла оьшучу бахархойн а, лоьрийн а хьашташ кхочушдарехь къахьоьгур ду оцу штабо.
Оцу хьокъехь хаам бина партин Коьртачу советан секретара Турчак Андрейс.
«ХӀинццалц ца бинчу тӀегӀанехь бан безаш бу тахана волонтерийн болх. Оха-м и болх, бакъдерг аьлча, сацийна а бацара. Делахь а, хӀинца, волонтерийн могӀаре жигара болу керла-керла бахархой бало беза», — билгалдаьккхина цо.
Волонтерийн штабан балхана Ӏуналла деш МГЕР-н векалш хир бу.
Россин мел йолчу субъекташкахь шен болх дӀаболийначу оцу штабан жигархойн могӀарехь 100 эзар сов стаг ву.