Проектан болх а дӀабирзина, экспертиза а чекхъяьлла – дӀахьош бу вокзал яран болх. Соьлжа-ГӀалахь ечу цIерпоштнекъан вокзалан хьокъехь иштта ала догӀу.
Белхаш «Соьлжа-ГӀаларчу вокзалан комплексана реконструкци яр» проектан гурашкахь дӀахьош бу.
И гӀуллакх дийцаре дина Нохчийн Республикин Премьер-министра Хучиев Муслима а, Россин цIерпоштнекъийн генеральни директоран заместитела Макаров Андрейс а Москвахь дӀадаьхьначу цхьаьнакхетарехь.
Вокзалан хьокъехь дуьйцуш, Нохчийчоьнан министрийн кабинетан куьйгалхочо билгалдаьккхина иза бегIийлан а, кхерамзаллин а дуьненаюкъарчу лехамашца йогӀуш хирг хилар.
№50, мангалан (июль) беттан 3-гIа де