«Буммат – ГаланчӀож – Роьшни-Чу» некъаца хир ю ЭнаХишкан а, ГаланчӀожан а, Хьалха-Мартан а кӀоштийн вовшашца йолу автомобилийн некъийн зӀе.
Иштта, ГаланчӀожан кӀоштахула Эна-Хишкан а, Итон-Кхаьллан а кӀоштийн автомобилийн зӀе яран декъехь а къахьоьгуш бу Нохчийн Республикин автомобилийн некъийн министерствон говзанчаш – «Буммат – Итон-Кхаьлла» некъ боккхуш бу уьш.
Оцу белхашка а хьожуш, меттахӀотточу ГаланчӀожан кӀоштахь хилла республикин Парламентан спикер Даудов Мохьмад.
Нохчийчоьнан Куьйгалхочун дӀадолорца меттахӀотточу оцу кӀоштахь белхаш жигара дӀахьош хилар билгалдаьккхина цо – некъаш тодарна а, дахарна а тӀера архитектурин хӀолламаш меттахӀитторан биста кхаччалц.
№50, мангалан (июль) беттан 3-гIа де