Школашкахь дешархошна нохчийн мотт а, литература а хьехарна кхин а цхьацца сахьт тӀетоьхна. Оцу хьокъехь хаам бина Нохчийн Республикин дешаран а, Ӏилманан а министран хьехамчас М.Усмановс.
ЦУР-н хьаькаман заместительца Н.Бисултановца цо дӀаяьхьначу дуьххьалдӀа йолчу эфире кхаьчначу хаттарна делла жоп дара иза.
«Нохчийн маттана, республикин Куьйгалхочун Кадыров Рамзанан тӀедилларца а догӀуш, къаьсттина терго йо оха. Дукха хан йоццуш кхоьллина Нохчийн меттан институт а ю боккха болх беш», – билгалдаьккхина министран хьехамчас.
№67, товбецан (сентябрь) беттан 4-гӀа де