Нохчийн Республикин Правительствон Председатела М.Хучиевс Физически культурин, спортан, кегийрхойн политикин министраца Т-Ӏ.Ибрагимовца бийцаре бина Соьлжа-ГӀалахь футболан манеж яран болх.
Республикина башха йолу и объект федеральни «Спорт – норма жизни» проектан гурашкахь еш ю.
«Ахмат-Арена» спорткомплексана герга йолу иза, 2 гӀат а, хьовсархошна лерина 300 меттиг а, 10 эзар м² майда дӀалоцуш а ю.
Иштта, лакхахь хьахийначу проектан гурашкахь республикехь еш кхин 2 физкультурин а, спортан а комплекс а ю, шайх цхьаъ заьӀапчу бахархошна лерина а йолуш.
Цу тӀе, тӀедогӀучу шарахь Курчалойхь а ян йолор ю физкультурин а, спортан а комплекс.
№67, товбецан (сентябрь) беттан 4-гӀа де