«Тахана бохаме кхалхар хилла Россин къаьсттина халачу хьолийн министран Зиничев Евгенийн. Суна иза вевза 20 шо дара. Иза онда а, майра а стаг вара, вайн Даймехкан вуьззина патриот а волуш», — иштта яздина Нохчийчоьнан Куьйгалхочо Кадыров Рамзана Telegram чуьрчу шен каналехь.
Республикин Куьйгалхочо билгалдаьккхина Николайн Евгений турпалхо санна кхелхина хилар — кхечу стеган дахар кӀелхьардаккхарехь.
«Арктикин зона къаьсттина чолхечу хьолех ларъяран декъехь дӀахьочу ведомствошна юкъарчу Ӏаморашка хьоьжуш хилла Зиничев Евгений. Юххехь лаьтташ волу оператор, шарша а шершина, хи чу воьжча, бакъволу нах кӀелхьарбахархо а, дог-цӀена а, нахах саготта а стаг ша хиларе терра, Николайн Евгений, цунна гӀо дан, хи чу иккхина… Амма, тӀулгах кхетта», — хаийтина Кадыров Рамзана.
Кадамца дерзийна цо шен кост: «Турпалхочо бен ден доцу хӀума дара иза! Николайн Евгенийн доьзале а, гергарчаьрга а кадам бо ас».