Краснодар гIалахь, «Баскет холл» спортан аренехь, паргIатчу кепара охьатохархлатарехула Россехь хьалхеяккхаран турнир дIаяьхьира.
Цигахь дакъалоцуш бара Россин тайп-тайпанчу регионашкара спортсменаш.
Вайн республикин цӀарах оцу турнирехь дакъалоцуш бара республикин спортан «Ахмат» клубан спортсменаш.
Къийсадаларш деа дийнахь дIадаьхьира. Шайн-шайн йозаллин категорешкахь толамхой хилира вайн 3 махкахо: Жамалдаев Салман (57 кг), Вахаев Мохьмад (65 кг), Данаев Iабдул-Рахьим (78 кг).
Оцу кхиамашка шаьш кхачийначу тренершна даггара баркалла боху спортсменаша.
Толамхой билгалбехира кубкашца, мидалшца, Сийлаллин грамоташца.
З.ШИШХАНОВА
№70, товбецан (сентябрь) беттан 15-гӀа де