Халкъийн цхьааллин денца Кадыров Рамзан декъалвина Путин Владимира — декъалдаран кост даийтина Россин Президента.
Оцу хьокъехь хаам бинчу Нохчийчоьнан Куьйгалхочо Кадыров Рамзана билгалдаьккхина: «Халкъашна а, конфессешна а юкъахь вежараллин уьйраш тийсарца евзаш хилла Росси даима а. Махкана хала мур тӀехӀоьттича, Даймехкан тайп-тайпанчу дакъошкарчу кӀентарша а, йоӀарша а, гӀовттий, машаран а, кхиаран а дуьхьа шайн догӀмаш дӀаделла. Мел долчу халкъийн барт а, цхьаалла а хилча бен Россин ирсан кхане хирг цахиларх тешна ву со».
Путин Владимиран хӀора а сацам оцу Ӏалашонца хилар а тӀетоьхна республикин Куьйгалхочо, Россин бахархой, къаьмнаш а, динаш а ца къестош, цуьнан весеташна а, тӀедахкаршна а муьтӀахь хила безарна тӀе тидам а бохуьйтуш.
«Накъост Коьрта Буьйранча, оха хьо юьхьӀаьржа хӀоттор вац! Декъалдар даийтарна баркалла хьуна», — яздина цо.
Иштта, декъалдар даийтарна, Россин Президентан Администрацин куьйгалхочунна Вайно Александрана а баркалла аьлла Кадыров Рамзана.