Коммунальни чIогIачу даххех гIуллакхдаран «Оникс» ООО-н регионан операторан автопарк хIокху деношкахь тIейуьзна лерринчу техникица. Оцу хьокъехь хаам бира Нохчийн Республикин гIишлошйаран, хIусамийн-коммунальни бахаман министра Зайпуллаев Муслима.
«Нохчийн Республикин Куьйгалхочун, Россин Турпалхочун Кадыров Рамзанан тIедилларца дIахьош бу кест-кеста автопарк кхузаманан нехаш дIакхоьхьучу машенашца тIейузаран а, нехаш чутуьйсучу контейнерийн майданаш цIинйаран а болх», – бохура министра.
Леррина автотранспорт эцаран хьокъехь барт бина Рязанан областерчу «Ряжский авторемонтный завод» АО-ца.
Нехаш дIакхоьхьучу машенех пайдаоьцур бу коммунальни даххаш схьагулдеш а, дIакхоьхьуш а.
Дуьззина схьаэцча, «Оникс» ООО-н парк тIейуьзна лерринчу 60 техникица.
М.Зайпуллаевс билгалдаьккхира керлачу техники тIехь навигацин «ГЛОНАСС» система хилар. Цуо таро лур йу цу машенан маршрут ган.
Делахь-хIета, магийна йоцчу меттигашка нехаш охьайухкийла хир дац оцу машенийн водителийн.
Д.ПАШАЕВ
№5, кхолламан (январь) беттан 22-гӀа де