Гуьмсе гIалахь, Iаьнан хIокху шийлачу муьрехь а ца сацош, жигараллица дIахьош ду хин биргIанаш хийцар, ширйелларш дIа а йохуш, церан метта керланаш йахкар.
БиргIанаш бIе сов километр йохаллехь хуьйцуш йу. ГIалин администрацехь бечу хаамашца таханлерчу денна, бан лерина хиллачух, 80 процент белхаш бина бевлла.
«Нохчийн Республикин бахархойн хIусамийн-коммунальни хьашташ дика кхочуш хьелаш кхолларна кхачойар» подпрограмма кхочушйаран гурашкахь дIахьош бу Гуьмсера хин биргIанаш керлачаьрца хийцаран болх.
ГIалин 50 гергга урамехь дIахьош ду и гIуллакх.
Нохчийн Республикин Куьйгалхочун Кадыров Рамзанан тIедилларца нийса а догIуш Гуьмсан кIоштан администрацин коьрта декхар ду бахархойн дахаран хьелаш тодар, кIошт социально-экономикин кхиор, кIоштан экономикина инвестицеш йукъаозор.
Иштта, 2023-чу шарахь Гуьмсехь схьайоьллур йолуш йу Россин МВД-н Гуьмсан отделан гIишло.
Билгалдеш ду гIали йуккъехь йолу кхо гIат долу гIишло искусствон берийн школина дIайала. Къоман «Культура» проект кхочушйаран гурашкахь деш ду и гIуллакх.
№5, кхолламан (январь) беттан 22-гӀа де