Iамаркан Iедало чIагIдо «Аль-Каида» боламан Йеменехь волу тхьамда хIокху деношкахь хIаллаквина хилар.
***
Шемарчу курдийн гIаттамхоша Хонкаран дозанна уллехь йолчу цхьана гIалара лаьхкина «Иблисан пачхьалкх» гIеранера зуламхой. Уьш бевдда, цхьаццанхьа къайлабевлла. Дийцарехь, цхьаберш Хонкара кхаьчна.
***
Мисаран экс-президентана Мухьаммад Мурсина вен кхиэл кхайкхийна. Цунна резахилла мехкан лакхара муфти. ООН-н генеральни секретара Мисаран паччахье кхайкхам бина вен кхиэл яр юкъара дIадаккхар доьхуш.
***
Къилба Корейхь MERS коронавирусах 19 стаг кхелхина. Мехкан Iедало 45 миллион доллар делла оцу цамгарна дуьхьал къийсам дIабахьийта.
***
Дуьненна а вевзаш волчу миллиардера Дональд Трампа дIахьедина ша шен кандидатура США-н президентан харжамашна юкъаяхийтина хилар.
***
Туннисехь вовшахкхетта цIерпошт а, киралелон машен а. Оцу некъан-транспортан бохамехь 17 стаг кхелхина. Лазийнарш кхин а алсам бу.
***
Молдовин правительство ерриге а отставке яхана, правительствон председательх масал а эцна. ХIинца керла правительство харжа дезар ду мехкан Президентан а, Парламентан а.
***
Москвахь Россин Президент Путин Владимир цхьаьнакхийтира Финляндин Президентаца Саули Ниинистёца. Цара дийцаре дира шина пачхьалкхан экономикин зIенаш чIагIъяран гIуллакхаш а, Украинера хьал а.
***
Украинин Iедалан эскарш Донецкана а, Луганскана а тIеман техника тIеузуш ду. Стомара маьршачу кхаа стагана чевнаш хилла цара герзаш деттар бахьана долуш.
***
В.Путина дакъа а лецира, къамел а дира Москвана уллерчу Кубинкехь тIеман-техникин Форум-гайтам схьабоьллучохь. Цигахь дакъалоцуш бара 70 сов пачхьалкхан векалш.
***
Россин премьер-министра Д.Медведевс дIахьедира ГIирмехь сотови зIено болх баран гIуллакх ша шен тидамехь латториг хилар.
***
Бакухь дIахьош долчу Европин ловзаршкахь дакъалоцучу командашна юкъахь уггаре а дукха мидалш яьхна Россин вовшахтоьхначу командин декъашхоша.
№ 67, еара, 18 июнь, 2015 шо