Iаьрбийн Цхьаьнатоьхначу Эмираташкарчу Абу-Даби шахьарахь дIайаьхьира ММА-хула дуьненан чемпионат.
Россин вовшахтоьхначу команди йукъахь цигахь дакъалецира Нохчийн Республикерчу спортсменаша а.
Иштта, цигахь дакъалоцуш вара дуьненан 56 пачхьалкхера 421 латархо.
Ирачу къовсамехь дIадаьхьначу латаршкахь шен категорехь хиллачу берриге а спортсменашна тIехь толам а баьккхина, дашо мидал йаьккхира Амаев Ахьмада (57 кг).
ШолгIа меттиг а, дато мидал а йаьккхира вайн шолгIачу махкахочо Кушагов Шамхана (77 кг).
Нохчийн ийначу латарийн школин бIаьрла кхиам а, нохчийн халкъана боккха йуьхькIам а бу иза.
Билгалдаккха деза Россин вовшахтоьхначу командо оцу чемпионатехь командашна йукъахь хьалхара меттиг йаьккхина хилар.
Россерчу спортсменаша йаьккхинарг йерриге а 38 мидал йу, царах 18 мидал дашо йу.
Хь.САЙДАЕВ
№9, чиллин (февраль) беттан 5-гӀа де