Ӏаьрбийн Цхьаьнатоьхначу Эмираташкахь дӀайаьхьначу «UAE SWAT Challenge 2022»-хь дашо 3 мидал а йаьккхина, иштта, дуьненан 3 рекорд а хӀоттийна А-Хь.Кадыровн цӀарахчу лерринчу Ӏалашонийн полицин полко.
Оцу къийсадаларшкахь дакъалоцуш 24 пачхьалкхера 41 тоба йара.
Нохчийчоьнан цӀарах, лакхахь ма-хаийттара, Россин Турпалхочун А-Хь.Кадыровн цӀарахлера полк йара. Россера а цхьаъ бен йацара иза цигахь.
Telegram чохь оцу хьокъехь хаам бинчу Нохчийн Республикин Куьйгалхочо Кадыров Рамзана билгалдаьккхина нохчийн бӀаьхоша гайтинарг тӀехдика жамӀ хилар.