Мариуполехь рогӀера гӀоьналлин акци дӀайаьхьна Кадыров Ахьмад-Хьаьжин цӀарахчу Йукъараллин фондо.
Йуьйцучу фондан президентан Несин Айманин сацамца а догӀуш, меттигерчу бахархошна кхачанан сурсатех лаьтта гӀо-орца кхачийна.
Туьха а, шекар а, дама а, даьтта а, чай а, дуга а, хи а, мерза хи а ду Мариуполан бахархошна кхаьчнарг.
Telegram чуьрчу шен каналехь оцу хьокъехь хаам бинчу Кадыров Рамзана билгалдаьккхина цигарчу бахархоша, йа баа кхача а, йа мала хи а доцуш, бала хьоьгуш хилла хилар.
Цул сов, Кадыровн фондо царна медицинин белхахошца гӀо-накъосталла деш хилар а хаийтина Нохчийчоьнан Куьйгалхочо.