«ХӀусамаш а, гӀалин хьелаш а» олучу къоман проектан гурашкахь тӀедогӀучу шарахь тойийр йолу майданаш къасторан онлайн-кхажтасарехь дакъалаца йиш хир йу Нохчийчоьнан бахархойн тӀебогӀучу беттан 30-гӀа де кхаччалц.
Ша онлайн-кхажтасар za.gorodsreda.ru платформи тӀехь дӀахьош ду, 14 шарера мел ваьлларг дакъалаца йиш йолуш а волуш.
Нохчийчуьрчу кхажтасархойн кхиэле йехкина йукъараллин майданаш Соьлжа-ГӀалахь а, Устрада-ГӀалахь а, иштта, Гуьмсан а, Шелан а, Курчалойн а, Хьалха-Мартан а, ТӀехьа-Мартан а кӀошташкахь тойан лерина йу.
Онлайн-кхажтасаран хьокъехь дуьйцуш, Нохчийн Республикин гӀишлошйаран а, хӀусамийн-коммунальни бахаман а министран заместитела Ибрагимова Алисас билгалдаьккхина оцу декъехь вайн бахархойн доккха зеделларг хидар, хӀунда аьлча, даханчу шарахь цигахь дакъалаьцнарг 60 эзар гергга стаг хилла дела.