Куьйгаллехь Нохчийн Республикин Прокурор Ш.Абдул-Кадыров а волуш, йоккха кхеташо дӀайаьхьна Шелковски кӀоштахь.
КӀоштан администрацин а, бакъонаш ларйаран органийн а, суьдан а векалша дакъалаьцначу цигахь дийцаре дина лаьттан дакъош доладахаран гӀуллакх.
Вайн махкахь уггаре а йоккха йолчу Шелковски кӀоштахь дуккха а кхачамбацарш хилар гучудаьлла оцу декъехь.
Цуьнца а догӀуш, оцу балхана Ӏуналла дарна а, кхачамбацарш дӀадахарна а ведомствошна йукъара комисси кхоллар тӀедожийна кӀоштан прокурорана.
Комисси кхоллар а, цунна хьалха хӀиттийна декхарш кхочушдар а Нохчийн Республикин Куьйгалхочо Р.Кадыровс оцу балхана билгалйаьккхинчу хена чохь чекхдаккха дезаш ду кӀоштан прокурора.
Иштта, и тайпа комиссеш республикин кхийолчу кӀошташкахь кхоллар а тидаме эцна.