Карарчу беттан 9-чу дийнахь, Толаман денца а догӀуш, Ястребиная берда тӀерачу «РТПС Грозный» объектехь йолу АМС Н=120 (локхалла: 114 м) бӀов серлайоккхур йу.
Серлонан иллюминаци «С Днем победы» йозанах а, седанах, можа-Ӏаьржачу асанах а, бустамех а лаьтташ хир йу.
Иштта, оцу денца а догӀуш, серлонан иллюминацеш Москвахь а, Новгородехь а, Белгородехь а, Пензехь а, Тулехь а, Пермехь а, Несарахь а, Тверехь а, Саратовехь а, Екатеринбургехь а, Ростовехь а ган йиш хир йу.