Белхан гӀуллакхца Казанехь йу Нохчийн Республикин культурин министр Кадырова Ӏайшат.
Цигахь дӀахьочу (11-13-гӀий дд.) Нохчийн культурин деношкахь дакъалоцур ду цо.
Цул сов, ГӀезалойчу йаханчу нохчийн делегацин могӀарехь Нохчийн Республикин вице-премьер Б.Таймасханов а, Нохчийн Республикин туризман министр М.Байтазиев а ву.
Даздаран хьолехь тӀелецира уьш Казанан дуьненайукъарчу аэропортехь.
Цул тӀаьхьа ГӀезалойчоьнан Къоман библиотекехь хилира Кадырова Ӏайшат.
Цигахь цунна экскурси а йира, иштта, нохчийн а, гӀезалойн а йаздархойн киншкаш вовшийн дӀасайаларан гӀуллакх а айъира.
КхидӀа, меттигерчу журналистийн хаттаршна жоьпаш делира цо а, ГӀезалойчоьнан культурин министран заместитела Д.Натфуллина а.
РогӀерчу мероприятехь дакъалацар Казанан гуо а, Сурскан гӀаролан вал а бина 80 шо кхачарна леринчу даздаршкахь нисделира цуьнан.
Оцу даздаршкахь, шина республикина йукъара доттагӀаллин уьйраш чӀагӀйар а дуьйцуш, Кадырова Ӏайшатан цхьаьнакхетар хилира ГӀезалойчоьнан Президентаца Р.Миннихановца.